28.03.2018

Аудандық мәслихаттың алтыншы шақырылымдағы кезекті жиырма төртінші сессиясы өтті

Аудандық мәслихаттың алтыншы шақырылымдағы кезекті жиырма төртінші сессиясына аудандық мәслихатқа сайланған 17 депутаттың 15-і қатысып, депутаттар Ж.Нышанов, Х.Әшірбеков белгілі себептермен  қатынаса алмады. Сессия мәжілісіне аудан әкімінің орынбасарлары, ауыл әкімдері, аудандық дербес бөлім басшылары, мәслихат аппараты қызметкерлері, БАҚ өкілдері қатысты.

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 18 бабына сәйкес, аудандық мәслихаттың алтыншы шақырылымдағы кезекті  жиырма төртінші сессиясын №6 сайлау округінен сайланған депутат, сессия төрағасы Е.Бектұрғанов ашып, жүргізіп отырды.   

Кезекті сессияның қарауына мына төмендегі  мәселелер  ұсынылды: 

        1. Халықты  әлеуметтік қорғау бойынша аудандық  жұмыспен қамту және әлеуметтік бағдарламалар бөлімінің есебі. 

       2. Аудандық мәслихаттың «Бюджет, аумақты экономикалық–әлеуметтік дамыту жөніндегі тұрақты комиссиясының атқарған жұмыстарының есебі» туралы.

      3.Төлеби аудандық мәслихатының 2017 жылғы 25 желтоқсандағы №21/109-VІ «2018-2020 жылдарға арналған аудандық бюджет туралы» шешіміне өзгерістер енгізу туралы.

      4. Төлеби аудандық мәслихатының кейбір шешімдерінің күшін жою туралы.  

      5. Төлеби ауданының жергілікті қоғамдастық жиналысының үлгі регламентін бекіту туралы.

    6. Б» корпусы Төлеби аудандық мәслихат аппаратының мемлекеттік әкімшілік қызметшілерінің қызметін бағалаудың әдістемесін бекіту туралы

    7.  Көксәйек елді мекенінің бас жоспарына және Абай елді мекенінің бас жоспардың оңайлатылған нұсқасына өзгеріс енгізу туралы. 

    8. Аудандық мәслихаттың алдағы болатын сессиясының төрағасын сайлау туралы.

 

Күн тәртібіндегі 1 мәселе Халықты  әлеуметтік қорғау бойынша аудандық  жұмыспен қамту және әлеуметтік бағдарламалар бөлімінің  атқарып жатқан жұмыстары жайлы бөлім басшысының орынбасары С.Тұрғымбековтың баяндамасы назарға алынып, әлі де болса өздеріне жүктелген міндеттердің толық орындалмай отырғандығын атап айтты.

Аудандық мәслихаттың бюджет, аумақты экономикалық-әлеуметтік дамыту жөніндегі тұрақты комиссиясының төрағасы Д.Айтбаевтың  2017 жылы комиссияның атқарған жұмыстары туралы хабарлама жасады.

4,5,6 мәселелер бойынша Төлеби аудандық мәслихатының аппарат басшысы А.Адрахманов баяндама жасады.

Күн тәртібіне енгізілген 7 мәселеге толықтыру, пысықтау қажеттілігіне байланысты сессия төрағасы үзіліс жариялап, осы жылдың 30-наурызына қалдырылды.